Persépolis

Ola amigos e amigas! O pasado luns, algúns membros do club de lectura reunímonos para ver a película "Persépolis" que está baseada na banda deseñada que lemos hai pouco.

Eu non lera todo o libro, polo que descubrín cousas novas sobre a protagonista, unha nena, que se converte en muller e que vive en primeira persoa unha inxusta e cruel guerra.

A película fíxome meditar sobre a situación da muller e da liberdade en Irán. Creo que somos moi afortunados por vivir no país que vivimos e, sobre todo, por ser libres. Na miña opinión, debemos valorar moito máis a nosa forma de vida, posto que moitas veces queixámonos por cousas que carecen de importancia, cando hai outros que non gozan do fundamental para vivir: a  liberdade.

Este verán teño gañas de ler o libro "Persépolis" e, os que non víchedes a película, animádevos. Ademais, creo que a podedes atopar na biblioteca do centro. Non perdades a oportunidade!!