Descubride a Cornelia Funke

Esta é Cornelia Funke, unha escritora alemá á que moitos de vós coñeceredes porque escribiu unha triloxía de fama mundial.

Se picades nos títulos en lanranxa dos seus libros, accederedes á información sobre o seu argumento. Facede a proba!

"Corazón de tinta"

É a creadora de Corazón de tinta, Sangue de tinta e Morte de tinta. Algúns de vós ao mellor vistes a película basada no primeiro libro, pero eu recoméndovos que vos animedes a lelo. Eu só lin o primeiro da saga, pero gustoume moito. Está cheo de maxia e fantasía, iredes a mundos nos que nunca estivéchedes e coñeceredes a moitos personaxes dos que nunca escoitarades falar.

"El señor de los ladrones"

Ademais destes libros dos que vos estou a falar, Cornelia escribiu "El señor de los ladrones" que ten lugar na cidade italiana de Venecia.

"Las Gallinas Locas"

Las Gallinas Locas tamén son obra desta autora; trátase dunha colección de libros sobre un grupo de amigas que se fan chamar as galiñas tolas. Estes últimos libros tratan das súas aventuras e da súa "amizade" cun grupo de rapaces. Así que xa sabedes, non só tendes por que ler estes libros dos que vos falei, podedes visitar a páxina e saber máis dos libros que escribiu, así como do seu tema e argumento. Ata tedes a opción de ver que libros foron traducidos ao español e veredes que editoriais os venden, polo que vos será máis doado conseguilos no caso de que queirades lelos.

Na páxina atoparedes...

-Pequena biografía da escritora (vida, premios, libros...)

-Noticias sobre a escritora

-Contos que rapazes coma nós queren compartir cos demais
-Obra da escritora

-Teatro

-Fotos

-Facer suxerencias e preguntas

-Ata podedes conseguir a súa dirección e enviarlle cartas, debuxos...

Visitádea!!!

http://www.corneliafunke.de/es.html